
GALACTIC EFFENDI + КОКИЧЕ
To twoje wydarzenie?
Промоција на деби албумот Vol. I на Galactic Effendi — мрачен фанк, џез и експериментални звуци
Концертна промоција на деби албумот Vol. I
(Scroll down for English) Во петок, 20 ноември, во Лабораториум, Galactic Effendi ќе го промовираат својот деби албум – Vol. I. Galactic Effendi е нов квартет, составен од четворица веќе добро познати музичари од македонската независна, џез и експериментална музичка сцена: Нинослав Спировски на саксофони (екс Светлост идр.), Филип Букршлиев на електрична гитара (Taxi Consilium идр.), Дориан Јовановиќ на бас (String Forces идр.) и Дарио Циевски на тапани (Vagina Corporation идр.).
Музиката на Galactic Effendi тешко се сместува во некоја конкретна жанровска рамка.
Станува збор за мрачен фанк sui generis, отсвирен од џез музичари, кој излегува од вообичаените џез обрасци и се движи кон неочекувани звучни предели. Препознатливите гитарски рифови и мелодиски мотиви на Филип Букршлиев отвораат простор за имагинативни саксофонски солирања и импровизации на Нинослав Спировски, додека
ритам секцијата на Дориан Јовановиќ и Дарио Циевски не претставува само цврста подлога, туку активен учесник во постојаниот музички дијалог. Ова е музика во која се среќаваат отпаднички џез, синеастички фанк со редок грув,
психоделична бучава и меланхоличен дрон, но и нешто од напнатата, драматична атмосфера на филмската музика за Б-филмовите од 1970-тите години. Звучниот свет на Galactic Effendi повремено предизвикува чувство на егзистенцијална тегоба, психолошки немир, надреални филмски сцени и неочекувани музички пресврти. Сепак, ниту една од овие асоцијации не е доволна за целосно да ја опише нивната музика. Vol.
I е слободна игра со џезот и неговите можности, во која жанровските граници постојано се поместуваат, а музичките идеи се развиваат во непредвидливи насоки. Ова е џез, но не нужно оној што го очекуваме, туку оној што сè уште одбива да биде лесно именуван и категоризиран.
На настанот ќе се продаваат маици и ЦД-еа од албумот на Galactic Effendi.
Вечерта ќе ја отворат Кокиче, кои со својот деби албум Зајак претставија свежа и интересна звучна мешавина од џез, фрик-џез, фјужн и современа класична музика, надополнета со медитерански влијанија. Составот на Кокиче е: Филип Методиев (гитара), Раде Биковски (бас гитара), Мартин Џорлев (синтисајзер) и Дарио Циевски (тапани).
Џез во опозиција! GALACTIC EFFENDI + KOKIČE Concert promotion of the debut album Vol. I
On Friday, November 20, at Laboratorium, Galactic Effendi will promote their debut album – Vol. I. Galactic Effendi is a new quartet made up of four well-known musicians from the Macedonian independent, jazz and experimental music scene: Ninoslav Spirovski on saxophones (ex-Svetlost, etc.), Filip Bukršliev on electric guitar (Taxi Consilium, etc.), Dorian Jovanović on bass (String Forces, etc.), and Dario Cievski on drums (Vagina Corporation, etc.).
The music of Galactic Effendi is hard to place into a specific genre framework. It is a dark funk of its own kind, played by jazz musicians, that steps outside of conventional jazz patterns and moves toward unexpected soundscapes.
Filip Bukršliev's recognizable guitar riffs and melodic motifs open up space for Ninoslav Spirovski's imaginative saxophone solos and improvisations, while the rhythm section of…
Twoje pasje w pobliżu
Kliknij, co lubisz — znajdziemy wydarzenia w twojej okolicy.

