Hartsbriewe

Met Hannes van Wyk (storieverteller), Coenraad Rall (klavier)

Maak jou gereed vir ’n besoek aan die verlede met Hartsbriewe, ’n vertoning deurdrenk met nostalgie, warmte en die sagte fluisteringe van liefde in al sy gedaantes. Laat die klanke van Coenraad Rall se klavier jou dra na vervloë oomblikke, terwyl Hannes van Wyk, geliefde TV-aanbieder en akteur, ’n keur van briewe lees wat soos geheime in ’n ou laai gebêre was.

Hierdie briewe uit die hart – soms snaaks, soms hartseer, altyd opreg – vertel van verlore liefdes, tydlose familieherinneringe en daardie eenvoudige, kosbare vreugdes van die lewe.

Moontlik gemaak deur Curro