Vérsica

Vérsica ye un proyeutu escénicu que tresforma la lliteratura asturiana nuna esperiencia d'anguaño onde música, imaxe y pallabra dialoguen nun mesmu escenariu.

A partir de testos d'autores de muncha sonadía de les lletres asturianes, el grupu crea un universu sonoru y visual propiu que convida al públicu a redescubrir el nuestru patrimoniu lliterariu dende la emoción y la sensibilidá de güei.

Lloñe del recital convencional o del conciertu al usu, cada actuación de Vérsica ye un percorríu inmersivu pela memoria, el paisaxe y la identidá d'Asturies. La fuercia de la música en direuto, la creación audiovisual y la interpretación convierten cada obra nuna esperiencia compartida qu'axunta tradición y contemporaneidá.